إطارنرتب ملازمك، ونطبعها باحتراف.
كل صفحة تنصمم بإيد فريقنا على InDesign، قبل ما توصل للمطبعة.
المكتبة
تصفح أول صفحات ملازم إطار من داخل الموقع. اختار المادة، وافتح الملزمة، وخليها تتقلب وحدها.
ملازمنا بين الإيدين
لقطات حقيقية لملازم طالعة من المطبعة: الورق، الألوان، والتجليد. شوفها مثل ما راح تستلمها.
آراء الأساتذة
رسائل حقيقية وصلتنا من الأساتذة بعد ما استلموا ملازمهم.
الملزمة الذكية
ملازم رقمية تفاعلية: كل رسم ومخطط بيه شرح يتحرك، وبعضها بالإلقاء الصوتي. اختار ملزمة وجربها هسه.
نخبة أساتذتنا
لكل أستاذ يبحث عن التميز. أساتذة من مختلف المواد اختاروا إطار لملازمهم.
إنت أستاذ وتريد ملزمتك تطلع بهذا المستوى؟ انضم ويا نخبة أساتذتنا.
انضم ويانامنو إحنا
تأسست شركة إطار سنة 2023، وانطلقت من جهود فردية وكادر نسائي بالكامل يحملن شغف التصميم والرغبة بتطوير المحتوى التعليمي بصرياً. إحنا مو مجرد مطبعة، إحنا فريق متخصص بالتصميم وترتيب المحتوى بطريقة تساعد الطالب يفهم بسرعة ويركز أكثر. نستخدم برامج احترافية مثل InDesign حتى نطلع ملازم واضحة، منظمة، ومريحة للعين، بجودة عالية بكل تفصيلة.
رؤيتنا
نكون مرجع للدراسة يعتمد عليه كل أستاذ وطالب، ونغيّر نظرة الطالب للدراسة بملازم تجمع بين المادة العلمية وفن التصميم.
هدفنا
نطوّر ملزمتك بشكل مصمم بعناية، يساعد الطالب يفهم بسرعة، يختصر وقته، ويثبت المعلومة بأبسط شكل ممكن.

تواصل
خلينا نحجي شغل. طباعة فاخرة وتصميم احترافي يبيض الوجه.

